ठूलो अवधि
सानो परिधि
पसिना बेच्यो
मुस्कान किन्यो
साँझ घरमा चुलो बलेकै छ
खुट्टा खोच्याएरै भएपनि
चल्नु जीवन चलेकै छ
सानो विवाद
ठूलो संवाद
ठूलो सोँच
सानो संकोच
१०-१२ हजार सहकारीमा राखेकै छ
हप्ता दिनमा एकचोटी त मासु पाकेकै छ
देख्नलाई सपना छदैछ
भोग्नलाई दुःख
त्यो उद्रिएको कमिज खुटाउनु छ
साँझमा थोरै पिउने बानी छ, छुटाउनु छ
अरु त! साँझ घरमा चुलो बलेकै छ
खुट्टा खोच्याएरै भएपनि जीवन चलेकै छ
